हवन किंवा यज्ञाला आपल्या हिंदू संस्कृतीत अनादी-अनंतकाळापासून अनन्यसाधारण महत्त्व आहे. हा उर्जाप्राप्ती व शुद्धीकरणाचा विधी आहे. हवन कुंडात अग्नीद्वारे श्री मंगळदेवाची पूजा केली जाते. अमोघ मंत्रोच्चारांसह यज्ञ समिधा व हवनात्मक सामग्रींची आहुती दिली जाते. आपल्या आयुष्यातील दुःख, कष्ट, संकटे किंवा प्रलंबित प्रश्न आदींच्या निर्मूलनासाठी व भरभराटीसाठी श्री मंगळदेवाची हवनात्मक पूजा/शांती केली जाते.
हवनात्मक शांतीपूजेत ५ चौरंग मांडून त्यात गणपती पुण्याहवाचन, मातृका पूजन, श्री मंगळाचे पूजन, नवग्रह मंडलाचे पूजन, रुद्रकलश पूजन तसेच हवन केला जातो.
होम-हवनात्मक पुजेसाठी इच्छुक भाविकांनी मंदिरातील मुख्य पुरोहितांच्या मार्गदर्शनाने / नियोजनाने अभिषेक पूजेची / शांतीची तयारी करावी. ही शांतीपूजा करताना कुटुंबातील व्यक्तीही पुजेला उपस्थित राहू शकतात. यासाठी लागणारी दक्षिणा प्रत्यक्ष हवनात्मक अभिषेकापूर्वी संस्थेच्या बँक खात्यात जमा करणे अत्यावश्यक आहे किंवा मंदिरात समक्ष येऊन देणे आवश्यक आहे. मंदिरात समक्ष येऊन अथवा ऑनलाईन पद्धतीने या अभिषेकासाठी वेळ नोंदणी (अॅडव्हान्स बुकिंग) करावी लागते.
बार मंदिर व्यवस्थापनाशी संपर्क साधून तारीख मिळवावी.
वेळ : ३ तास
दक्षिणा : ₹६३००/

दर मंगळवारी श्री मंगळदेवाच्या मंदिरात प्रत्यक्ष देवाच्या मूर्तीजवळ बसून श्री मंगळदेवाच्या स्वयंभूमूर्तीवर होणाऱ्या पंचामृत अभिषेकाचा मान एकावेळी फक्त एकालाच (सहकुटुंब) मिळतो. मंदिरात समक्ष येऊन, संस्थेच्या मोबाईल क्रमांकांवर कॉल करुन अथवा ऑनलाईन पद्धतीने या अभिषेकासाठी वेळ नोंदणी (अॅडव्हान्स बुकिंग) करावी लागते.
पंचामृत अभिषेक फक्त दर मंगळवारीच होत असल्याने नोंदणी केलेल्या भाविकांच्या संख्येनुसार अभिषेकासाठी आपला क्रमांक लागत असतो. मंदिर व्यवस्थापनाकडून साधारण ३ ते ४ दिवस आधी नोंदणीकृत भाविकांशी संपर्क साधला जातो. भाविकांना पूजेची संपूर्ण माहिती दिली जाते. यासाठी लागणारी दक्षिणा प्रत्यक्ष अभिषेकापूर्वी संस्थेच्या बँक खात्यात जमा करणे किंवा मंदिरात समक्ष येऊन देणे आवश्यक आहे.
सकाळी ७ वाजता होणाऱ्या महाआरतीचा मानही पंचामृत अभिषेक करणाऱ्या भाविकालाच मिळतो.
वार : मंगळवार
वेळ : पहाटे ५ ते सकाळी ७ वाजेपर्यंत (२ तास)
दक्षिणा - ₹७२००/

मंगळवार सोडून (सोमवार, बुधवार, गुरुवार, शुक्रवार, शनिवार, रविवार) या दिवशी श्री मंगळदेवाच्या मंदिरात प्रत्यक्ष देवाच्या मूर्तीजवळ बसून मंगळदेवाच्या स्वयंभू मूर्तीवर होणाऱ्या नित्यप्रभात मंगलाभिषेकाचा मान एकावेळी ५ क एकाच कुटुंबाला मिळतो. मंदिरात येऊन किंवा संस्थेच्या मोबाई न क्रमांकावर कॉल करुन अथवा ऑनलाईन पद्धतीने या अभिषेकासाठी वेळ नोंदणी (अॅडव्हान्स बुकिंग) करावी लागते.
मंगळवारी होणाऱ्या पंचामृत अभिषेकाप्रमाणेच ही पूजा होते. प्रतीक्षेत असलेल्या भाविकांच्या संख्येनुसार अभिषेकासाठी आपला क्रमांक लागतो व त्यांच्याकडून अभिषेक करवून घेतला जातो. मंगळवारी पंचामृत अभिषेक करण्याची अनेक भाविकांची मनस्वी इच्छा असते. मात्र, त्यासाठी मोठी वेटिंग (प्रतीक्षा) असते व थोडी जास्त दक्षिणा लागते. त्यामुळे ज्या भाविकांना मंगळवारी पंचामृत अभिषेक करणे शक्य नसेल त्यांच्यासाठी नित्यप्रभात मंगलाभिषेक उत्तम पर्याय आहे. यासाठी लागणारी दक्षिणा प्रत्यक्ष अभिषेकापूर्वी संस्थेच्या बँक खात्यात जमा करणे किंवा मंदिरात समक्ष येऊन देणे आवश्यक आहे.
नित्यप्रभात मंगलाभिषेकानंतर सकाळी ७ वाजता होणाऱ्या आरतीचा मानही अभिषेक करणाऱ्या भाविकालाच मिळतो.
वार : सोमवार, बुधवार, गुरुवार, शुक्रवार, शनिवार, रविवार
वेळ : पहाटे ५ ते सकाळी ७ (२ तास)
दक्षिणा - ₹५४००/

काही भाविकांना त्यांचे वयोमान, आजारपण, नोकरी अथवा व्यावसायिक व्यस्तता इत्यादी कारणांमुळे प्रत्यक्ष मंदिरात येऊन अभिषेक करणे शक्य होत नाही.
अशांना त्यांच्या इच्छेनुसार स्वतः मंदिरात न येताही मंदिरामार्फत अभिषेक करवून घेता येतात.
मंदिरात अभिषेकासाठी न येऊ शकणाऱ्या भाविकांची दर आठवड्याला स्वतंत्र यादी तयार करण्यात येते. श्री मंगळदेव ग्रहांचा वार असलेल्या मंगळवारी स्वतंत्रपणे गुरुजींमार्फत अशा भाविकांच्या नावाचा संकल्प सोडून त्या व्यक्तींच्या गोत्राचा व नावाचा व्यक्तिगत उल्लेख करण्यात येतो. १ तास चालणाऱ्या अभिषेकात पूर्णतः विधिवतरीत्या ही प्रक्रिया होते. अभिषेक झाल्यानंतर भाविकांना रजिस्टर पोस्टाद्वारे प्रसाद पाठविण्यात येतो. सोबत त्यांना अभिषेकाची पावतीही पाठविण्यात येते. यासाठी लागणारी दक्षिणा संस्थेच्या बँक खात्यात जमा करणे किंवा मंदिरात समक्ष येऊन देणे आवश्यक आहे.
या व्यतिरिक्त भाविकांची इच्छा असेल तर व्हिडिओ कॉलिंगवर सुद्धा अभिषेक केले जातात. यासाठी भाविकांनी आधी मंदिर प्रशासनाला कळविणे गरजेचे आहे.
दक्षिणा - ₹८१०/- (प्रतिव्यक्ती)

वर्षभर दर मंगळवारी श्री मंगळदेव ग्रह मंदिरात अभिषेक होतातच. कोणत्याही मंगळवारी अभिषेक बंद नसतात. मंगळवारी मोठ्या संख्येने भाविक संपूर्ण भारतातून अभिषेक करण्यासाठी जमतात. परिणामी अशा भाविकांची गैरसोय होऊ नये, यासाठी मंदिर प्रशासनाकडून नियोजनपूर्वक व शिस्तबद्धपणे सामूहिक पद्धतीने अभिषेक केले जातात. अभिषेक करणाऱ्यांना उपस्थित भाविकांसोबत गुरुजींच्या सूचनांचे पालन करुन सामूहिक अभिषेक करवून घ्यावा लागतो.
ज्या भाविकांना सामूहिक पद्धतीने अभिषेक करण्याची इच्छा नसते, असे भाविक त्यांच्या इच्छेनुसार स्वतंत्र अभिषेक करवून घेऊ शकतात. स्वतंत्र अभिषेक पूजेत भाविकांसाठी स्वतंत्र व्यवस्था केली जाते. त्यात एक गुरुजी एकावेळी एकाच भाविकाचा अभिषेक करवून घेतात. ज्यात त्या भाविकाला पूजेबद्दल संपूर्ण माहिती दिली जाते. अभिषेक करणाऱ्यासोबत त्या भाविकाच्या कुटुंबातील सदस्य मागे बसतात. यासाठी लागणारी दक्षिणा अभिषेकापूर्वी संस्थेच्या बँक खात्यात जमा करणे किंवा मंदिरात समक्ष येऊन देणे आवश्यक आहे.
वार : मंगळवार
वेळ सुमारे सव्वा तास
दक्षिणा - ₹ ५४००/

खास करुन ज्याचा व्यावसायिक संबंध रेती, शेती किंवा मातीशी असतो असे भाविक म्हणजेच शेतकरी, सिव्हिल इंजिनिअर, आर्किटेक्ट, बिल्डर, डेव्हलपर व ब्रोकर यांच्यासाठी भोमयाग खूप फायदेशीर असल्याचे मानले जाते. संपूर्ण विश्वात भूमिपुत्र (श्री मंगळग्रह) व भूमीमाता यांच्या मूर्ती एकाच ठिकाणी फक्त आणि फक्त अमळनेर येथील श्री मंगळग्रह मंदिरातच आहे. त्यामुळे भूमीमाता व भूमिपुत्र यांच्या सान्निध्यातील अमळनेर येथील श्री मंगळग्रह मंदिरात होणारा श्री भोमयाग प्रचंड प्रभावी ठरण्याची भाविकांची श्रद्धा आहे. भोमयाग हवनात्मक पद्धतीने होतो. हा याग करण्यापूर्वी संस्थेच्या बँक खात्यात दक्षिणा जमा करणे किंवा मंदिरात समक्ष येऊन देणे आवश्यक आहे. भोमयाग मंदिर व्यवस्थापनेच्या पूर्वपरवानगीशिवाय होत नाही.
वार : मंदिर व्यवस्थापनाशी संपर्क साधून तारीख मिळवावी.
वेळ : ३ ते ४ तास
दक्षिणा - ₹९०००/